မော်လမြိုင်မြို့ ခရစ်ယာန် အနာကြီးရောဂါကု ဆေးရုံက ဒေါက်တာစောဆာမူလာ ဦးဆောင်တဲ့ ကျန်းမာရေး ဝန်ထမ်းအဖွဲ့ တစ်ဖွဲ့ တောင်ပေါ် နယ်စပ်ဒေသတွေကို သွားရောက်ခဲ့ကြရာမှာ အနာကြီးရောဂါရှင်အသစ်တွေ တွေ့ရှိခဲ့ကြကြောင်း၊ စစ်ရေး ပဋိပက္ခတွေဖြစ်ပွားနေတဲ့အတွက် ဝေဒနာရှင်တွေ ဆေးကုသခံရဖို့ အခြေအနေ မပေးဘဲဖြစ်နေကြောင်း သတင်းမှာဖေါ်ပြပါတယ်။
မြန်မာနိုင်ငံမှာ အနာကြီးရောဂါတိုက်ဖျက်ရေး လုပ်ငန်းဆောင်ရွက်ခဲ့ရာမှာ ၂ဝဝ၃ခုနှစ်က လူတစ်သောင်းမှာ အနာကြီးရောဂါသည် တစ်ယောက်တောင်မရှိတော့တဲ့အဆင့်ကို ရောက်ရှိခဲ့ပါတယ်။
ဒါပေမဲ့ မြန်မာနိုင်ငံမှာ အစိုးရရဲ့ ကျန်းမာရေးအသုံးစရိတ် နည်းပါးလွန်းပြီး၊ ကျန်းမာရေးစောင့်ရှောက်မှုစနစ် ချို့တဲ့အားနည်းတဲ့ အတွက်တစ်နှစ်ကို အနာကြီးရောဂါ ကူးစက်ခံရသူ သုံးထောင်ဝန်းကျင် တွေ့ရှိနေဆဲဖြစ်တယ်လို့ သိရပါတယ်။
အနာကြီးရောဂါဟာ ကူးစက်မှုနှုန်းနှေးကွေးပြီး၊ ရောဂါပျိုးချိန်ကလည်း ကြာမြင့်ပါတယ်။ ၁၉၈၅ ခုနှစ်တ၀ိုက်ကစပြီး MDT ခေါ် ဆေးပေါင်းစပ်ကုထုံး အသုံးပြုပြီး တစ်ကမ္ဘာလုံးက အနာကြီးရောဂါသည်ပေါင်း ၁၆သန်းကို ကုသပေးနိုင်ခဲ့ပါတယ်။
ဒါပေမဲ့ ဝေဒနာရှင်အသစ် ဆက်လက်တွေ့ရှိနေရဆဲဖြစ်တဲ့ နိုင်ငံ ၁၈ နိုင်ငံရှိပြီး၊ အဲဒီထဲမှာ မြန်မာနိုင်ငံ ပါဝင်နေပါတယ်။
RFA Burmese
https://www.facebook.com/pages/RFA-Burmese/39218993127?fref=nf
 |
| အနာကြီးရောဂါသည်တစ်ဦးကို တွေ့ရစဉ် / Photo:developmentdiaries.com |
No comments:
Post a Comment