ဝါဆိုရေ...သတိယတယ်

ဝါဆိုရေ...သတိယတယ်
--------------------------
ကျီစားပါကွယ်..
ငါ့ကိုပဲ ဆော့ကစားပါ
နင်အလိုရှိတဲ့အချိန်တွေမှာ ပျော့ပြောင်းပြီး
နင်မလိုတဲ့အချိန်တွေမှာ..
ငါက အေးခဲနေရတယ်။

တခါတရံ ငါခံစားရသလိုမျိုး
နင့်ကို(ပြင်းပြင်းထန်ထန်)ကျိန်
စာတိုက်ပစ်လိုက်ချင်တယ်
ငါ့ကိုယ်ငါတောင် မိုက်မဲပစ်လိုက်ဖို့ထိ
ရည်ရွယ်ခဲ့ဖူးပါရဲ့။
ဒါတွေဟာ ဘယ်အချိန်ပြီးဆုံးမှာလဲ
ဘယ်လောက်ထိ နာကျင်ခံရဦးမှာလဲ
ငါ မသိဘူး..၀ါဆို
နင်လည်း မသိပါဘူး။
ဒါတွေဟာ ကံတရားတွေလို့
အရင်ဘ၀က ၀ဋ်ကြွေးတွေလို့
ငါ အမြဲပြော,ပြောနေရတာပါပဲ
ဒါပေမဲ့
ဘာကြောင့်ဆိုတာ နင်ရော ငါရော
ထုတ်ဖော်ပြောစရာမလိုလောက်အောင်..သိတယ်။
နင့်အကြောင်းတွေကိုချရေးလိုက်ဖိ
စဉ်းစားလိုက်တိုင်း
ငါ့မှာစကားလုံးတွေ တိတ်ဆိတ်နေတယ်
ငါ့မှာပြောစရာစကားမပြောနဲ့
မျိုသိပ်ထားစရာတောင်မရှိတော့ဘူး
နင်က ကြောက်စရာကောင်းတဲ့
တိတ်ဆိတ်မှုတွေကို ယူဆောင်ပေးသူလည်းဖြစ်တယ်။
............
ဒါဟာ အချစ်ကြောင့်ပါလို့
ငါတို့ရဲ့အချစ်ကို အကြောင်းပြမပြောဆိုရဲဘူး
တချို့အရာတွေက လုပ်ယူလို့မရဘူးဆိုတာ
ငါ ပို, ပိုသိလာတယ်။
နင်နဲ့ပတ်သက်လို့ တွေးလိုက်မိတိုင်း
(ငါ့ဘ၀နဲ့ငါ့ကိုယ်ငါတောင်)
အလိုလိုသိမ်ငယ်အောက်ပြုတ်ကျရတယ်
အခုတော့ နင်ပေးတဲ့မေတ္တာတွေက
ငါ့အတွက် ဒဏ်ရာပဲဖြစ်စေတာပဲ။
နင့်ကိုတွေ့ရှိပြီးတဲ့နောက်
ငါ့ကမ္ဘာဟာ နင်နဲ့မှပဲ လင်း, တော့တယ်
အချစ်..ဆိုတာကိုတွေ့ရှိပြီးတဲ့နောက်
နင်ရှိမှဖြစ်သလိုမျိုး...ဖြစ်လာခဲ့တယ်
ဒါတွေဟာ တကယ်ဖြစ်,ခဲ့တယ်။
ငါ မရရှိနိုင်တဲ့အရာတွေကို
ဘာလို့များ(ငါ့အပေါ်)
ဖြန့်ကျဲချခဲ့တာလဲ...
`ချစ်ခြင်းမေတ္တာ´ ဆိုတာ ခဏတာအတွက်ပဲမဟုတ်ဘူး။
ပုံမှန်သမာရိုးကျဘ၀မှာ ငါနေထိုင်တယ်
သမာရိုးကျဆန်စွာပဲ နင့်ကိုချစ်ခဲ့တယ်
ဒါပေမဲ့လည်းကွယ်...
နင့်ကို(ဘာမှ)
ငါ..ငါ..ပြောမထွက်ရက်ပါဘူးကွယ်။
နင့်ကို( တစ်ယောက်ဆို
ဆိုသလောက်) မြတ်နိုးခဲ့ရပါတယ်
ခန္ဒာကိုယ်ပေါ်က အစိတ်အပိုင်းတစ်ခုလိုမျိုး
နင့်ကို ငါ့စိတ်ကနေ ဆွဲမထုတ်နိုင်ဘူး
ငါဟာ နင်ပဲ..ဖြစ်တယ်။
ခက်တယ် ၀ါဆို! ခက်တယ်
ငါတို့ပြော..ပြောနေသလို
နင်နဲ့ငါကလည်းခက်တယ်..
ဒါကိုလည်း ငါတို့သိပြီးသားပါပဲ။
ဒီမျက်လုံးလေးတွေက ငါ့ကိုချစ်ခဲ့ဖူးတယ်
ငါ့အတွက်လည်း သီးသန့်ပြုံးပြပေးခဲ့ဖူးတယ်
တော်ပါပြီကွယ်
တော်လောက်ပါပြီကွယ်
ဒီလောက်နဲ့ပဲ ရပ်တန့်လိုက်ကြပါစို့။
ငါတို့အတွက် လှပတဲ့အတိတ် ဖြစ်တယ်
ပြန်မရတော့တဲ့အချိန်ကာလတွေပဲဖြစ်တယ်
(တသက်လုံး )သိမ်းထားချင်စရာကောင်းတဲ့ ဒဏ်ရာအနာတရာဖြစ်တယ်
ဘာပဲဖြစ်ဖြစ် ထိခိုက်မှုကင်းစွာနဲ့
ငါတို့အချစ်တွေ ခိုင်မာခဲ့တယ်..ဆိုတာလောက်တော့
ငါတို့ပြောပြနိုင်ဦးမှာပါ။
ဟိုရှေးရှေးတုန်းကဆိုတဲ့
အချစ်ပုံပြင်တစ်ပုဒ်အဖြစ်လောက်တော့
အသုံးတည့်ကောင်းမယ် ထင်ပါရဲ့ ။
ရွှေအိမ်စည်
Shwe Aeim Si Shweaeimsi Samsung Aeimsi Shwe Arlu