အကြီးအကျယ် မှားယွင်းနေသော . . .

အကြီးအကျယ် မှားယွင်းနေသော . . . 

(Written by: နရီမင်း)

ကားလမ်းနံဘေး ကျောက်ပြားများ အစီအရီခင်းထားရာ လူလျှောက်လမ်းကို လူတိုင်းက “ပလက်ဖောင်း” ဟု ခေါ်ကြပါသည်။ “ပလက်ဖောင်း” ဆိုသည်မှာ အင်္ဂလိပ်စကားလုံး Platform ကို မှားယွင်းစွာ မွေးစားထားခြင်းသာဖြစ်ပြီး စကားလုံးအစစ်အမှန်မှာ “ပေ့ဖ်မန့်” (Pavement) သာဖြစ်ကြောင်း ကျွန်တော်ရှာဖွေ တွေ့ရှိသွားပါသည်။ ထိုအချိန်မှစ၍ လူတိုင်းက ပလက်ဖောင်းပေါ်တွင် လမ်းလျှောက်နေကြချိန်၌ ကျွန်တော်က ပေ့ဖ်မန့်ပေါ်တွင် မှားယွင်းစွာ လမ်းလျှောက်နေပါတော့သည်။

ဤနေရာ၌ အင်္ဂလိပ်စာ မတတ်သော်လည်း အင်္ဂလိပ်အသံများ ထွက်ရသည်ကို အလွန်သဘောကျသည့် ငယ်သူငယ်ချင်းတစ်ယောက်ကို (ဘာမဆိုင်ညာမဆိုင်) သတိရမိပါသည်။ တစ်ခါက သူသည် “ပလောင်းဖက် ခလိုက်တုတ် ချဲလော်ဒဲပျု” ဟု ပြောဖူးပါသည်။ (သူ၏ ဘာသာပြန်ဆိုချက်မှာ “ပလက်ဖောင်းကို ခလုတ်တိုက်မိရာ ချော်လဲပြီး ဒူးပြဲသွားသည်” ဟူ၍ ဖြစ်ပါသည်)

သူငယ်ချင်းတစ်ယောက်ကတော့ ကျွန်တော့်ကို ဖျောင်းဖျပြောဆို ရှာပါသေးသည်။ “ဟေ့ကောင် ပေ့ဖ်မန့်ပဲဖြစ်ဖြစ်၊ ပလက်ဖောင်းပဲဖြစ်ဖြစ် ဒါကြီးက ဒါကြီးပဲ။ အရေးကြီးတာက အေးအေးဆေးဆေး ယာဉ်အန္တရာယ်ကင်းကင်းနဲ့ လမ်းလျှောက်လို့ရဖို့ပဲ။ ဟိုမှာ ကြည့်ပါလား။ လမ်းပေါ်အပြည့် ဈေးသည်တွေချည်းပဲ။ ဘယ်မှာလဲ လမ်းလျှောက်စရာနေရာ။ မင်းအနေနဲ့က ပလက်ဖောင်းကို ပေ့ဖ်မန့်လို့ ခေါ်လာကြအောင် ကြိုးစားနေမယ့်အစား ပလက်ဖောင်းကို လမ်းလျှောက်လို့ရအောင် လုပ်ဖို့ပဲ ကြိုးစားသင့်တာပေါ့” ဟု သူကဆိုပါသည်။

ကျွန်တော်ကတော့ အဆိုပါ သူငယ်ချင်းကို “မှားယွင်းမှုများနှင့် အသားကျနေသူ” ဟု ကိုယ့်ဘာသာ တိတ်တဆိတ် စာတန်းကပ်ပေးလိုက်ပြီး လူတိုင်း ပေ့ဖ်မန့်ပေါ်တွင် လမ်းလျှောက်လာကြရန်သာ မချင့်မရဲကြီး ဖြစ်နေမိပါသည်။

ပလက်ဖောင်းကို ပေ့ဖ်မန့်ဟုခေါ်ကြောင်း ကျွန်တော်၏ တွေ့ရှိမှုမှာ “မတော်တဆမှု” တစ်ခုသာ ဖြစ်ပါသည်။ “မတော်တဆမှုများကပင်လျှင် ကမ္ဘာကို ပြောင်းလဲစေခဲ့သည်” ဟု လူတစ်ယောက်က မတော်တဆ ပြောခဲ့ဖူးပါသည်။ သူ၏ အပြောအရဆိုလျှင် ကိုလံဘတ် မြောက်အမေရိကတိုက် ရှာဖွေတွေ့ရှိခြင်းသည် လည်းကောင်း၊ အလက်ဇန္ဒြားဖလဲမင်း ပနယ်ဆလင်ဆေးကို တွေ့ရှိခြင်းသည် လည်းကောင်း၊ ယုတ်စွအဆုံး မက်ဇက္ကာဘတ် ဖေ့စ်ဘွတ်ထူထောင်ခြင်းသည် လည်းကောင်း မတော်တဆမှုများသာ ဖြစ်ပါသည်။

သို့သော် ကိုလံဘတ်တစ်ယောက် ဘဲဥပြုတ်ကို မတ်မတ်ထောင်ပြခဲ့ခြင်းကတော့ တမင်လူလည်ကျမှုသာ ဖြစ်ပါသည်။ (သူများတကာကျတော့ ဘဲဥကို ဒီအတိုင်း ထောင်ခိုင်းပြီးတော့မှ သူကတော့ ဘဲဥကို အောက်ခြေထုပြီး ထောင်တာကိုး) မည်သို့ပင် ဆိုစေကာမူ အောင်မြင်ကျော်ကြားပြီးနှင့်သူများအဖို့ “ဘာလုပ်လုပ် တင့်တယ်ခြင်း” ကို ခေတ္တယာယီ ရရှိသွားတတ်ကြပါသည်။ ဥပမာအားဖြင့် အာဂျင်တီးနား ဘောလုံးသမား မာရာဒိုနာတစ်ယောက် ဒိုင်လူကြီးအား လိမ်လည်လှည့်ဖျားလျက် ဘောလုံးကို လက်ဖြင့်ပုတ်၍ ဂိုးသွင်းလိုက်ခြင်းအား “ဘုရားပေးသောလက်” ဟု ဘောလုံးချစ်သူများက ၀ိုင်း၍ ကောင်းချီးပေးခဲ့ကြဖူးပါသည်။ သို့သော် မအောင်မြင်၊ မကျော်ကြားရှာသော ကျွန်တော်၏ မတော်တဆ တွေ့ရှိမှုမှာ အကြီးအကျယ် မှားယွင်းမှုတစ်ရပ်သာဖြစ်လျက် (ကျွန်တော်ကိုယ်တိုင်မှလွဲ၍) အခြားသူများအားလုံးက ကျွန်တော့်အား “ငကြောင်ကြီး” ဟု ၀ိုင်းဝန်းသမုတ် လိုက်ကြပါတော့သည်။

ဤသို့လျှင် အကြီးအကျယ် မှားယွင်းနေသော ကျွန်တော်သည် အကြီးအကျယ် မှားယွင်းနေသော ဤစာစုကို မတော်တဆ ရေးနေမိပါသည်။

လုပ်ဖော်ကိုင်ဖက် မိတ်ဆွေကြီးတစ်ယောက်က ပြောပါသည်။ “ပလက်ဖောင်းကို ပေ့ဖ်မန့်လို့ ခေါ်တဲ့အကြောင်း ခင်ဗျားအရင်ဆုံး သိတယ်လို့များ ထင်နေလား။ ခင်ဗျားသိသလို ကျွန်တော်လည်းသိတယ်။ တခြားလူတော်တော်များများလည်း သိကြပါတယ်” ဟု။ ကျွန်တော့်ခမျာ လည်ချောင်းထဲ ငါးရိုးနင်သလို ဖြစ်သွားရပါသည်။

“ဒါဖြင့် ဒီအကြောင်းကို ဘာလို့ ထုတ်မပြောကြတာတဲ့တုန်း” ဟု ကျွန်တော်က ပြန်မေးလိုက်ပါသည်။ ထိုအခါ မိတ်ဆွေကြီး ပြန်ပြောသောစကားမှာ ရှက်တတ်လျှင် ကြုံရာလက်နက်ဖြင့် ချက်ချင်းကြီး ကိုယ့်ကိုယ်ကိုယ် အဆုံးစီရင် သွားစေနိုင်လောက်ပါသည်။ (ကျွန်တော်သည် ရှက်တတ်သူတစ်ဦး မဟုတ်ပါ) သူက “အေး၊ ဒီအကြောင်းကို ဘာလို့ထုတ်မပြောကြသလဲဆိုတော့ ငကြောင်ကြီးလို့ အပြောခံရမှာ ကြောက်လို့ပဲ။ အသားကျပြီးသား အမှားတွေကို ပြင်ဖို့ကြိုးစားတဲ့သူဟာ ငကြောင်ပဲ” ဟု ဆိုပါသည်။ (သြော်၊ လူတွေ “ငကြောင်ကြီး” လို့ အပြောခံရမှာ ကြောက်တာကြောင့် ပေ့ဖ်မန့်ဟာ ပလက်ဖောင်း ဖြစ်နေရတာကိုး)

ကျွန်တော့်သူငယ်ချင်း သုတေသနမှူး အမျိုးသမီးတစ်ယောက်၏ အဖြစ်ကို သတိရပါသည်။ ထိုသူငယ်ချင်းသည် နှစ်ပေါင်းများစွာ သုတေသနပြုပြီးနောက် ရှာဖွေတွေ့ရှိချက် အသစ်တစ်ခုကို တွေ့ရှိခဲ့ပါသည်။ သူ၏ ရှာဖွေတွေ့ရှိချက်ကို စာတမ်းတစ်စောင်ရေးလျက် နိုင်ငံတကာ သိပ္ပံမဂ္ဂဇင်းကြီး တစ်စောင်သို့ ပို့တော့မည့်ဆဲဆဲ၌ သူ၏ ရှာဖွေတွေ့ရှိချက်နှင့် တစ်ထေရာတည်းတူသော တွေ့ရှိချက်ကို ဂျာမန်လူမျိုးတစ်ဦးက လွန်ခဲ့သည့် နှစ်ပေါင်းနှစ်ဆယ်ကျော် ကတည်းက တွေ့ရှိထားနှင့်ပြီးဖြစ်ကြောင်း ဆောင်းပါးတစ်စောင်၌ တွေ့ရှိသွားပါသည်။

ထိုအခါ သူက “သေနာကြီး၊ ငါ့မှာတော့ အဟုတ်မှတ်လို့။ ဒင်းက ငါ့ထက်လက်ဦးသွားတာကိုး” ဟု အကြီးအကျယ် ကျိန်ဆဲပါလေတော့သည်။ ထိုအချိန်မှစ၍ သူသည် မည်သို့သော သုတေသနမျိုးကိုမျှ မလုပ်ဖြစ်တော့ဘဲ စိတ်ကျန်းမာရေးဆေးရုံ ပြင်ပလူနာ ဌာနသို့သာ မကြာခဏ သွားနေရပါတော့သည်။ (ငါက “ငကြောင်ကြီး” လို့ပဲ အခေါ်ခံရတာ အများကြီး တော်သေးတာပေါ့)

ပလက်ဖောင်းကို ပေ့ဖ်မန့်ဟုခေါ်ကြောင်း ကျွန်တော်၏ တွေ့ရှိမှုမှာ မတော်တဆမှုတစ်ခုသာ ဖြစ်ပါသည်။ (သြော်၊ လူတွေ “ငကြောင်ကြီး” လို့ အပြောခံရမှာ ကြောက်တာကြောင့် ပေ့ဖ်မန့်ဟာ ပလက်ဖောင်း ဖြစ်နေရတာကိုး) ထိုအချိန်မှစ၍ လူတိုင်းက ပလက်ဖောင်းပေါ်တွင် လမ်းလျှောက်နေကြချိန်၌ ကျွန်တော်တစ်ယောက် ပေ့ဖ်မန့်ပေါ်တွင် မှားယွင်းစွာ လမ်းလျှောက်နေပါတော့သည်။ တစ်လောကလုံး မှားယွင်းနေကြချိန်၌ မိမိကိုယ်မိမိ မှန်သည်ဟု ထင်နေခြင်းမှာ အမှန်စင်စစ် အကြီးအကျယ် မှားယွင်းမှုတစ်ခုသာ ဖြစ်ပါသည်။ ဤသို့လျှင် အကြီးအကျယ် မှားယွင်းနေသော ကျွန်တော်သည် အကြီးအကျယ် မှားယွင်းနေသော ဤစာစုကို မတော်တဆ ရေးနေမိပါသည်။