ရေတာရှည် ဇူလိုင် ၁၆
မိုးရာသီတွင် ဓာတ်လိုက်မှုကြောင့် မကြာခဏဆိုသလို သေဆုံးမှုများ ဖြစ်ပေါ်လျက်ရှိရာ ဇူလိုင် ၁၄ ရက် ညနေ ၄ နာရီ မိနစ် ၅ဝ ခန့်က ရေတာရှည်မြို့နယ် ဆွာတိုးဂိတ်နောက်ကျောဘက်ရှိ 11KV ဓာတ်အား လိုင်းကြိုးပေါ် ချိုးငှက်တစ်ကောင်နားကာ ကြိုးနှစ်ချောင်းထိ၍ တိုင်ကို ဓာတ်အားစီးဝင်ပြီး တိုင်ကိုလာပွတ်သည့် ခိုင်းနွားတစ်ကောင် ဓာတ်လိုက် သေဆုံးခဲ့ကြောင်း သိရသည်။
''ချိုးငှက်က ဓာတ်ကြိုးတိုင်ထိပ်ပေါ်မှာနားပြီးနုတ်သီးနဲ့ပွတ်လိမ့်မယ်၊ ကြိုးပေါ် နားတဲ့အချိန်နဲ့ နှုတ်သီးနဲ့ ပွတ်တဲ့အရှိန်ကြောင့် ဓာတ်ကြိုးနှစ်ချောင်းပူးပြီး ရှော့ခ်ဖြစ်ကာ ဓာတ်အားက တိုင်ကိုစီးဝင်တဲ့အချိန် အောက်မှာရှိတဲ့ နွားက တိုင်ကို သွားပွတ်တော့ ဓာတ်လိုက်ပြီးသေတာလို့ ယူဆပါတယ်''ဟု လျှပ်စစ် ဝန်ထမ်းတစ်ဦးက ၎င်း၏ အမြင်ကို သုံးသပ်ပြောပြသည်။
ကိုလွင်(ဆွာ)
Myanmaalinn
https://www.facebook.com/MYANMAALINNNEWS

0 comments:
Post a Comment