တာရာမင်းဝေ ( အရှေ့မြို့ရိုးမှ မိုးရေစက်များ……)

ငါ့ကိုတော့ ခွင့်တောင်းသင့်ပါတယ်
ငါ့နှာခေါင်းပေါ်တက်ပြီး
ဘယ်သူလာအသက်ရှူနေတာလဲ……။

မင်းကသာ ဟိုဘက်က အပ်နဲ့မမှုတ်ဘူးဆိုရင်
မင်းလက်ထဲကပြောင်းကို
ဒီဘက်က ငါချောင်းကြည့်ရဲပါ့မလား……။

ငါက…
တွေ့နေကျ မြင်နေကျ ရိုးရိုးလူမျိုးပေါ့
ပန်းနဲ့ပဲဖြစ်ဖြစ် ကောက်ရိုးနဲ့ပဲဖြစ်ဖြစ်
အရမ်းလာပစ်ပေါက်ရင်တော့
ကြောက်တတ်တဲ့ကောင်မျိုး……။

ဆောင်းတစ်ခုမှာ
ပါဝင်ခဲ့ဖူးတဲ့ နှင်းတစ်စက်လို
စာရင်းလည်းမရှိ နံပါတ်လည်းမသိ
ဘယ်အထိမှလည်း မကြီးကျယ်ပါဘူးကွယ်……။

ငါက …… သာမညလူ
ငါက …… ယေဘုယျလူ
ဆပ်ပြာပူဖေါင်းလို
အရေခွံတစ်ထပ်ခွာလိုက်ရင်ပဲ
အထဲမှာ ဘာမှကျန်မှာမဟုတ်တဲ့လူ……။

ဘယ်သူကမှ မသိဘူးဆိုရင်တောင်
ငါ့ကိုယ်ငါတော့ သိတာပေါ့
သိပ်ကိုသိတာပေါ့ကွယ်……။

တာရာမင်းဝေ ( အရှေ့မြို့ရိုးမှ မိုးရေစက်များ……)

 — with Shwe Arlu and Shwe Eaim Si.