မိခင်နှင့် ရင်သွေး အတူအိပ်စက်ခြင်းကြောင့်ရသော အကျိုးကျေးဇူးများ

ကိုယ်ခံစွမ်းအား ကောင်းမွန်ခြင်း

မိခင်နဲ့အတူ အိပ်စက်ခွင့်ရတဲ့ ကလေးတွေဟာ ကြံ့ခိုင်ကျန်းမာစွာ ကြီးပြင်းလာတတ်ပါတယ်။ အတူအိပ်စက်ရင်း ရင်သွေးငယ်ကို မိခင်နို့ချိုတိုက်ကျွေးလို့ ရတာကြောင့် ကလေးငယ်ဟာ လန့်နိုးတာမျိုး မဖြစ်တော့ပါဘူး။ ရင်သွေးဟာ မိခင်ရင်ခွင်ထဲမှာ နွေးထွေးအေးချမ်းစွာ အိပ်စက်ရင်း နို့ချိုစို့ကာ ညဘက်မှာ အကောင်းဆုံး အာဟာရဓာတ်ရရှိပြီး ကိုယ်ခံစွမ်းအား ကောင်းမွန်ကြပါတယ်။

စိတ်ဓာတ်ခွန်အား ကောင်းမွန်ခြင်း

မိဘတွေနဲ့အတူ အိပ်စက်ခွင့်ရတဲ့ကလေးတွေက သီးခြားအိပ်စက်ရတဲ့ ကလေးတွေထက် ကြီးပြင်းလာချိန်မှာ ကိုယ့်ကိုယ်ကိုယ် ရပ်တည်နိုင်မှု ပိုရှိလာပါတယ်။လေ့လာမှုတွေအရ သူတို့က ကိုယ့်ကိုယ်ကိုယ် လေးစားစိတ် (Self-esteem) ပိုကောင်းကာ ပတ်ဝန်းကျင်နဲ့ လိုက်လျောညီထွေ နေတတ်ကြတာကို တွေ့ရပါတယ်။ဒီကလေးတွေက မိဘကို ယုံကြည်မှု ပိုရှိတတ်ပါတယ်။

SIDS  ဖြစ်နိုင်ခြေ လျော့ကျခြင်း

SIDS ဆိုတာ ကလေးငယ်တွေကို တစ်ဦးတည်းသိပ်ရင်း အဖြစ်များတဲ့ ကလေးငယ် ရုတ်တရက်သေဆုံးတဲ့ လက္ခဏာစုပါ။ မွေးကင်းစ ကလေးငယ်ကို ပုခက်ထဲ ဒါမှမဟုတ် အိပ်ရာပေါ် တစ်ဦးတည်းသိပ်တာက အန္တရာယ် မကင်းပါဘူး။ မိဘနဲ့ အတူအိပ်တဲ့ ကလေးတွေက တစ်ဦးတည်းအိပ်ရတဲ့ ကလေးတွေထက် အသက်ရှူမှုဆိုင်ရာ ပုံမမှန်ဖြစ်နိုင်ခြေ လျော့ကျတတ်ပါတယ်။ အကြောင်းကတော့ မိဘရဲ့ စည်းချက်ညီညီ အသက်ရှူတဲ့ ပုံစံကြောင့် ကလေးငယ်ကို ပုံမှန်အသက်ရှူဖို့ သတိရစေတာကြောင့်ပါ။ SIDS ဟာ အသက် ၆ လနဲ့ နှစ်နှစ်ကြား အရွယ်တွေမှာ အဖြစ်များပါတယ်။

ရင်းနှီးချစ်ခင်မှု ရရှိခြင်း

မွေးကင်းစ ကလေးငယ်တွေအတွက် မိခင်နဲ့အတူ အိပ်စက်တာထက် ပိုကောင်းတာ မရှိပါဘူး။ ကလေးဟာ လုံခြုံစိတ်ချမှု ရရှိသလို မိဘတွေကို ရင်းနှီးချစ်ခင်မှု ပိုစေပါတယ်။ မိဘတွေက တစ်နေ့လုံး အလုပ်လုပ်နေရရင်တောင် ညဘက်မှာ မိခင်ရဲ့ ရင်ခွင်ထဲ ဂရုစိုက်ပိုက်ထွေး ချစ်ခင်မှုရရှိတဲ့ ကလေးတွေက ပိုပြီး အိပ်ရေးဝတတ်ပါတယ်။

နှစ်ခြိုက်စွာ အိပ်မောကျခြင်း

မိဘနဲ့အတူ အိပ်စက်ရတဲ့ ကလေးတွေက ပြဿနာမရှိဘဲ ကြာကြာ အိပ်မောကျတတ်ပါတယ်။ ကလေးစိတ်ထဲ ပိုပြီး လုံခြုံစိတ်ချသွားလို့ပါ။    

ဇွန်

source: http://www.yatanarpon.com.mm/cp/goodhealth/article-68097