ထို့ပြင် ယင်းငှက်များမှာ ချင်းပြည်နယ်အတွင်း သစ်တော များပျက်စီးပြုန်း တီး ပျောက်ကွယ်လာမှုနှင့် ဒေသအလိုက် သဘာဝတောကောင် သားကောင်များ၊ သဘာဝသစ်တောများ ထိန်းသိမ်းမှု အားနည်းခြင်းများကြောင့် ချင်းတောင်ပေါ်တွင် အောက်ချင်းငှက်နှင့် တကွ ငှက်မျိုးစိတ် အများ အပြား ပျောက်ကွယ်လာနေပြီဖြစ်ကြောင်းယင်းသေခံများ၏ ပြောပြချက်အရ သိရသည်။
“ကျွန်တော်တို့ရွာဘက်မှာဆိုရင် လွန်ခဲ့တဲ့အနှစ်နှစ်ဆယ်ကျော် ကာလတုန်းက အောက်ချင်းငှက်တွေ လည်းပေါတယ်၊ ကျားသစ်ပေါက်တွေ၊ တောကြောင်တွေ၊ မျောက်လေပွေတွေ၊ မျောက်လွှဲကျော်တွေ အစုံရှိ တယ်။ အခုတော့ ပြောင်းရွှေ့တောင်ယာတွေကြောင့် သစ်တောတွေ ပျောက်ကွယ်လာနေပြီး ဒေသအလိုက် သေနတ်ကိုင်တောလိုက်မုဆိုးတွေကြောင့် တောကောင်သားကောင်တွေ မရှိသလောက်ရှားပါးလာနေပါ ပြီ” ဟု ဖလမ်းဒေသခံတစ်ဦးက ၎င်းအမြင်ကို ပြောပြသည်။
ချင်းပြည်နယ်၏အမှတ်တံဆိပ် အောက်ချင်းငှက်များကို ယခင်ဆယ် စုနှစ်ဝန်းကျင်ကအထိ ချင်းတောင်နှင့် ကလေးဒေသ သစ်တောဝါးတောများတွင် အနည်းအကျဉ်း တွေ့မြင်ရသေးသော်လည်း ယခုအခါ လုံးဝ နည်းပါး ပျောက်ကွယ်နေပြီး အချိန်မီထိန်းသိမ်း စောင့်ရှောက် ရန် လိုအပ်လျက်ရှိကြောင်း သဘာဝ ပတ်ဝန်းကျင် လေ့လာသူများက ပြောသည်။
ချင်းတောင်ဒေသတွင် ပျောက်ကွယ်လုဖြစ်နေသော တောကောင်သားကောင်များမှာ ဒေါင်းငှက်၊ အောက်ချင်းငှက်၊ မျောက်လွှဲကျော်၊ မျောက်လေပွေတို့ ဖြစ်ကြောင်း ကလေးဒေသ အစိမ်းရောင်လွင်ပြင် အဖွဲ့မှ ဦးဝင်းက ပြောသည်။
“ကလေးနဲ့ ချင်းတောင်ဒေသမှာ လွန်ခဲ့တဲ့အနှစ်နှစ်ဆယ်ကျော်ကာလက ကျားတွေ၊ဆင်တွေအထိရှိတယ်။ မော်လိုက်ယူးချောင်းထဲမှာ တောရိုင်းဆင်တွေ တွေ့နိုင်တယ်။ ကလေးဒေသ ဘုန်းသစ်တော၊ ထန်တောင် တောတွေမှာ လင်းရှူးတို့ ကျားတို့ရှိတယ်။ အခုတော့ အားလုံးပျောက်ကွယ်သွားပြီ” ဟုကလေးဒေသခံ တစ်ဦးက ပြောသည်။
MOI Webportal Myanmar
https://www.facebook.com/MOIWebportalMyanmar?fref=nf
0 comments:
Post a Comment