Friday 14 July 2017
သွားအခေါင်းပေါက် ဖြစ်စေတဲ့ အလေ့အကျင့်ဆိုး (၄) ခု
သွားတွေ အခေါင်းပေါက်ဖြစ်ပြီး ကိုက်ခဲနေလား။ သွားကိုက်တာဟာ နာကျင်မှုတွေထဲမှာ အဆိုးဆုံးလို့ဆိုရလောက်အောင်ပါပဲ။ လူတိုင်းဟာ သွားအခေါင်းပေါက်ဖြစ်ပွားတာမျိုး ကြုံရတတ်ပါတယ်။ ဒါဟာ အောက်ပါအလေ့အကျင့်ဆိုးလေးတွေကို အမြဲလုပ်မိနေတတ်တာကြောင့်ပါ။ ဒီလိုအလေ့အကျင့်ဆိုးတွေကို ကိုယ်ကိုယ်တိုင်လည်း ရှောင်ကြဉ်ပြီး သားသမီးငယ်တွေကိုပါ သင်ကြားပေးသင့်ပါတယ်။
၁ – အချို
ချိုတဲ့ အစားအသောက် တွေနဲ့ သကြားများတဲ့အစားအသောက်တွေကို စားသုံးတာဟာ သွားအခေါင်းပေါက်ဖြစ်ခြင်းရဲ့ အဓိက အကြောင်းအရင်းတွေ ဖြစ်ပါတယ်။ သကြားဟာ ခံတွင်းထဲက pH အတိုင်းအတာကို လျော့ကျစေပါတယ်။ ခံတွင်းအတွင်းမှာ ပိုးမွှားထုတ်လုပ်မှုနဲ့ အက်ဆစ်ထုတ်လုပ်မှုဟာ မြင့်တက်လာတာကြောင့် ဖြစ်ပါတယ်။
၂ – ဆိုဒါ
ဆိုဒါပါတဲ့ အချိုရည်တွေကို သောက်ခြင်းကလည်း pH အဆင့်ကို လျော့ကျစေတာပါပဲ။ ဒီလို အအေးတွေ၊ ဖျော်ရည်တွေကို သောက်မယ်ဆိုရင် ပိုက်နဲ့စုပ်ပြီး သောက်တာပိုကောင်းပါတယ်။ ဒါမှမဟုတ် သောက်ပြီးတဲ့အခါ ရေနဲ့ ပါးလုပ်ကျင်းပေးခြင်းမျိုးနဲ့ ဖယ်ရှားပေးနိုင်ပါတယ်။
၃ – သွားတိုက် ဖို့ မေ့ခြင်း
အိပ်ရာမဝင်ခင် သွားတိုက် ဖို့ဟာ မေ့လေ့ရှိတဲ့ ကိစ္စတစ်ခု ဖြစ်ပါတယ်။ စားကြွင်စားကျန်တွေဟာ သွားကြားတွေမှာ ကျန်ခဲ့ပြီး ပိုးမွှားတွေကို ဖိတ်ခေါ်သလို ဖြစ်နေတာပါ။ သွားတွေဟာ ခိုင်မာခြင်းမရှိတော့ဘဲ အခေါင်းပေါက် တွေ ဖြစ်လာတာပါ။ သွားမတိုက်တဲ့အခါ သွားရည်ထုတ်လုပ်မှုဟာ လျော့နည်းသွားပါတယ်။ သွားရည်တွေဟာ သွားကို ခိုင်မာအောင် ပြုလုပ်ဖို့ရာမှာ အဓိကကျပါတယ်။
၎ – ရေခဲ
ရေခဲ ကို ဝါးစားခြင်းမျိုးဟာလည်း သွားအတွက် ကောင်းတဲ့ အလေ့အကျင့် မဟုတ်ပါဘူး။ သွားတွေဟာ ကျိုးပဲ့လွယ်ပြီး အခေါင်းပေါက်တွေ ဖြစ်လာပါတယ်။ ဒီလို အမာတစ်ခုခုကို ဝါးစားတဲ့အကျင့်ကို ရှောင်သင့်ပါတယ်။
Credit: Duwun
Subscribe to:
Post Comments (Atom)
0 comments:
Post a Comment