မဟာ (သို့ )ကြီးမြတ်ခြင်း

မဟာ (သို့ )ကြီးမြတ်ခြင်း

တစ်ခါတစ်လေ ကျွန်တော် အိမ်ခန်းအရှေ့ရှိ
ဝရန်တာတွင်ထွက် ရပ်လေ့ရှိသည် ။ လေကောင်းလေသန့်လဲ ရှုရှိုက်ရင်း
အပေါ်စီးမှမြင်ရသော မြင်ကွင်းကို ငေးကြည့်ရတာ
အလွန် ပေါ့ပါးလွတ်လပ်သောကြောင့် ကျွန်တော် နေ့စဉ်ကော်ဖီတစ်ခွက်နှင့်စာအုပ်ကိုင်ရင်း
စာဖတ်လိုက် မျက်စိညောင်းလျှင် အပြင်ကိုငေးလိုက် လုပ်တတ်သော အကျင့်က စွဲနေပြီ။

ထိုနေ့က ကျွန်တော် အလုပ်တွင် အချိန်စောစော ပြီးပြတ်သောကြောင့် အိမ်ပြန်ရောက်တော့
အချိန်က 5 နာရီ မပြည့်တတ်သေး ။ အလုပ်လဲ စောစီးစွာပြီးပြတ် ၊ ဖတ်စရာ စာအုပ်ကလေးကလဲရှိ ၊
ကျွန်တော့် စိတ်ခေါ်ဆောင်ရာသို့ လိုက်လေ့ရှိသောစရိုက်အရ အပြင်တွင် ကော်ဖီခွက်တစ်ခွက်နှင့်
ထွက်ထိုင်နေမိသည် ။

ထိုစဉ်ကျွန်တော့်မြင်ကွင်းထဲ အသက် ၅၀ ကျော်ခန့်ခန့်မှန်းရသော တရုတ်အမျိုးသမီးကြီးတစ်ယောက်
မတ်တပ်မျှပင်မရပ်နိုင် မြေပြင်တွင် ဖင်တရွတ်ဆွဲ ၍ ခမ်မှန်မှန်ရွှေ့လျှားရင်း တွားသွားသကဲ့သို့
သွားနေသဖြင့် ကျွန်တော်စာအုပ်ဘေးကောက်ချ ၍ ခဏငေးမိပါတော့ သည် ။

အမျိုးသမီးကြီး၏ခြေတစ်ဖက်မှာ အလွန်သေးငယ်နေပြီး တစ်ဘက်မှာ လည်း ကွေးကောက်နေသည်ကို
ကျွန်တော် အပေါ်စီးမှ တိတိပပ မြင်လိုက်ရသည်။ ဘောင်ဘီဒူးခေါင်းဖုံး လေးနှင့် အမျိုးကြီး၏ဆံပင်များ စုတ်ဖွာနေ ရုံမျှ မက လက်နှစ်ဘက်မှာလည်း မြေပြင်ကို ထောက်ကူ သွားရသောကြောင့် လက်ပင့်တင်လိုက်တိုင်းမည်းညစ်နေသည်ကို တွေ့လိုက်ရသေး၏ ။

ကျွန်တော်လည်း စားစရာ ခေါက်ဆွဲထုတ်ဝယ်ရန် ဆန္ဒပေါ်လာသောကြောင့် ပိုက်ဆံငွေ 5 ကျပ်တန် 2 ရွက်
အိတ်ကပ်ထဲထည့်ပြီး အမျိုးသမီးကြီးအား တစ်ရွက်ပေးရန်လည်းဆုံးဖြတ် ကာ နေထိုင်ရာ 4 လွှာမှဆင်း
အပြင်သို့ထွက်ရန်စိတ်ကူးလိုက်ပါ သည် ။

ဘဝပေးမကောင်းရှာသော ထိုအမျိုးသမီးကြီး သည် ပေ ၂၀ခန့် တရွတ်သွားလိုက် ခဏနားလိုက်နှင့်
ကျွန်တော်နေထိုင်သော အိမ်ယာအရှေ့ လမ်းမပလက်ဖောင်းပေါ် သွားနေသည်ကို မြင်တွေ့နေရသော
အချိန် အတွင်း ........

ထပ်မံတွေလိုက်သောမြင်ကွင်းကား ကားတစ်စီး ထိုအမျိုးသမီးကြီး၏ ဘေး ရပ်ပြီ ကားမောင်းလာသော လူငယ်တစ်ယောက်က မလေးနိုင်ငံသုံး ရင်းဂစ်ငွေ 10 တန် အနီရောင် လှမ်းပေး
လိုက်သည်ကို ကျွန်တော်မြင်လိုက်ရ၏ ။

လူငယ် က ကားပေါ်မှမဆင်း ငွေလှမ်းပေး၏ အမျိုးသမီးကြီး လှည့်ကြည့်လိုက်ပြီး ခေါင်းရမ်း၏
ထိုအခါ လူငယ်က ကားပေါ်မှ ဆင်းလာပြီ အမျိုးသမီးကြီး လက်ထဲ ငွေတစ်ဆယ်တန် ထပ်မံ ပေးကမ်း
ပါတော့သည် ။

ထိုစဉ်အမျိုးသမီးကြီးပြောသော စကား များကြောင့် အိပ်ထဲမှ 5 ကျပ်တန်အား ကျွန်တော်
ယောင်ရမ်းစမ်းလိုက်မိပါတော့သည် ......

သူမ ပြောလိုက်သော မလေးရှား စကားမှာကား

" ကျွန်မ ပိုက်ဆံ မလိုပါဘူး ပေးတဲ့စေတနာကို ကျွန်မ ကျေးဇူးတင်ပါတယ် ၊ ခု ကျွန်မ သား
ကျောင်းလွှတ်ချန်ရောက်လို့ သူ့ကို ကြိုဖိ်ု့ ကျွန်မထွက်လာတာပါ ရှင် . ခဏခဏ ကျွန်မကို ဒီလို
ပေးတာ မျိုး ခံရတော့ စိတ်လဲ မဆိုးပါတော့ဘူး ကျွန်မ သားလေး ကျောင်းပြန် ဖရဲသီး စားချင်တယ်ဆိုလို့
လာစောင့် ကျွေးမလို့ပါ .. ကျွန်မ ကျေးဇူးတင်ပါတယ် ရှင် .... "

ကျွန်တော် အာခေါင်တွေ ခြောက်ကပ်ပြီး ကြက်သီးဖြန်းဖြန်း ထရလေပြီ ပတ်ဝန်းကျင်တစ်ခုလုံး ချာချာလည်နေပြီလား မှတ်ရအောင် ကျွန်တော် ပီတိအနန္တ ဖြင့် မျက်ရည်ပင်စို့ပြီတည်း ။
မိဘတို့ မေတ္တာ တရား ကား နှိုင်းစရာ မရှိ ဆိုသော စကား များကို ဒုက္ခိတ အမျိုးသမီးကြီး က
ထပ်ဆင့်လောင်း သက်သေထူလိုက်ပြန်လေပြီ .. . .. ကျွန်တော် လမ်းဆက်လျှောက်ရင်း နားထဲစွဲနေသော
စကားတစ်ခွန်းကား

" ကျွန်မသားလေး ကျောင်းပြန်ဖရဲသီး စားချင်တယ်ဆိုလို့ ....."

~~~~~~~~~~~~~~~~~~~~~~~~~~~~~~~~~~~~

မဟာ ဆိုသော စကားကို မြန်မာတိုင်း ကြီး မြတ် ခြင်း ဟု အဓိပါယ်ဖွင့်ဆိုပါက

ကျောင်းသားတစ်ယောက် ခွန့်ကျွေးနေသော ဖရဲသီးစိတ်လေးအား အပြုံးတွေဖြင့်ဟ စားရင်း
တရွေ့ရွေ့ တရွတ်တိုက်လာသော သားအမိအား
ကျွန်တော် ရင်ထဲ အသည်းထဲမှ လေးစားစွာ ပေးအပ်မိပါသည်ခင်ဗျား။

ဧဒင်ဥယျာဉ်ကြီး နှင့် အဖွဲ့သားများသို့

ဤ Blog Post ဖြင့် ဧဒင်အဖွဲ့သားများအတွက် အမှတ်တရ အမေများနေ့မှာ မိဘအတွက်

သားကောင်း/သမီကောင်းရတနာများအဖြစ် အလုပ်ကြွေးပြုနိုင်ပါစေလို့ ရည်ရွယ်လျှက် ....

(တိမ်လွှာ)9.8.2010
www.myominlatt.ning.com
မူရင်းလင့် ....မဟာ ( သို့ ) ကြီးမြတ်ခြင်းhttp://myominlatt.ning.com/profiles/blogs/4347155:BlogPost:248531

— with Myo Min Latt and 3 others.