မြန်မာ့ဆေးဖက်ဝင် တရုတ်နံနံပင်

မြန်မာ့ဆေးဖက်ဝင် တရုတ်နံနံပင်


Item Name --------- Celery , Wild Celery ( တရုတ်နံနံ)
Category ------------ Raw Material
Botany Term ------- Apium graveolens Linn
Species Family ----- Umbelliferae

မြန်မာပြည်နေရာအနှံ့အပြား၌ စိုက်ပျိုးနိုင်သည်။ သဘာဝအလျေက် ပေါက်ပင်ဖြစ်သော်လည်း ဟင်းသီးဟင်းရွက်အဖြစ် စိုက်ပျိုးကြသည်။ စမုန်စပါးကဲ့သို့ပင် စိုက်ပျိုး၏။

အပင်

နှစ်နှစ်ခံပင်ပျော့မျိုးဖြစ်၍ ၁-၃ ပေ ထိမြင့်သည်။ ပင်စည် ထောင်မတ်၍ အကိုင်းများ ဖြာထွက်သည်။

အရွက်

အလွန်နက်သော အ၀ိုက်များ ပါရှိ၍ ရွက်နားအခွ သို့မဟုတ် မညီညာသော ခွေးသွားစိပ်များ ရှိ၏။ အစိမ်းဖျော့ရောင် ရှိ၏ ။ အနံ့စူးရှသည်။


အပွင့်

ငယ်၍ အစိမ်းရောင်သမ်းသော အဖြူရောင်ရှိ၍ ထီးသဏ္ဍာန်ကဲ့သို့ အဆုပ်လိုက်ပွင့်၏ ။

အသီး

အမြောင်းများပါ၍ ကျဉ်းမြောင်းသည်။

အစေ့

အလွန်သေးငယ်သည်။

► အသုံးဝင်ပုံ

အစေ့

အာနိသင်

မြန်မာဆေးကျမ်းများ အလိုအရ စမွတ်သည် ခါး၏ ၊ စပ်၏ ၊ ပူ၏ ၊ ကြေကျက်လွယ်၏ ၊ ၀မ်းမီးကို တောက်စေ၏ ၊ သုတ်ကို ပွားစေ၏ ၊ နှလုံးကို အကျိုးပြု၏ ၊ လေ ၊သလိပ်ကို နိုင်၏ ၊ လေပြွန်ချောင်းများပူခြင်း ၊ အော့အန်ခြင်း ၊ ကြက်ညှာချောင်းဆိုးခြင်းနှင့် ရေဖျဉ်းရောဂါတို့ကို ပျောက်စေ၏ ။

► အစေ့ အသုံးပြုပုံ

၁ ။ အစေ့ကို ကွမ်းရွက်ထဲတွင်ထည့်၍ အရည်ကို ငုံထားပါက ချောင်းခြောက် ၊ ချောင်းစိုရောဂါ ပျောက်၏။
၂ ။ အစေ့နှင့် လေးညှင်းပွင့်ထိပ်ဖူးကိုကြိတ်၍ ပျားရည်နှင့်ရောစားပါက အော့အန်သောရောဂါ ပျောက်၏ ။
၃ ။အစေ့ကို ပါးစပ်တွင်ငုံ၍ ထွက်လာသောအရည်ကို မျိုချခြင်းဖြင့် ကြို့ထိုးရောဂါပျောက်၏ ။
၎ ။အစေ့ကို ဆားပုပ်နှင့် ရောစားသော် ၀မ်းဗိုက်နာ ကောင်း၏ ။ ထန်းလျက်နှင့်ရော၍ လုံးစားသော် အစာမကြေ ၊ ရင်ပြည့် ၊ ၀မ်းကြော ၊ ၀မ်းဗိုက်ကြောတင်းခြင်းတို့ ပျောက်၏ ။

မြန်မာ့ဆေးဖက်ဝင်အပင်များ