ပဲခူးတိုင်းဒေသကြီး၊ တောင်ငူခရိုင်၊ ရေတာရှည်မြို့နယ်တွင် ဇူလိုင်လ (၂၁) ရက်နေ့က ရေနီမြို့၊ ဇေယျသိမ်ကျေးရွာ အလယ်တန်း ကျောင်းခွဲ၌ အာဟာရ ထမင်းဟင်းစားခဲ့ပြီး ဆရာ/ဆရာမ၊ ကျောင်းသား/ကျောင်းသူ၊ ကျေးရွာ ဒေသခံ (၁၁၃) ဦး အစာအဆိပ်သင့်မှု ဖြစ်ပွားပြီးနောက် (၅)ရက်အကြာ ဇူလိုင်လ (၂၅) ရက်နေ့ ညနေပိုင်းက ရေနီမြို့၊ ဂွေးသုံးပင် ရပ်ကွက်တွင် ဝတ်အသင်းလှည့်သူ များကို ကုသိုလ်ရှင်များ ကျွေးသည့် ပေါင်မုန့်အုန်းနို့ဆမ်း စားသူ (၂၁)ဦး အစာ အဆိပ်ဖြစ်ပြီး မြို့လှတိုက်နယ် ဆေးရုံသို့ (၈)ဦးတင်ပို့ခဲ့ရကြောင်း သိရှိရသည်။
အဆိုပါ နေ့လည်ပိုင်းက ဂွေးသုံးပင် ရပ်ကွက်၊ ဝတ်အသင်းသည် ရေနီမြို့ပေါ် ရပ်ကွက်များအနှံ့ အလှူခံခဲ့ပြီး ကုသိုလ်ရှင်များက တို့ဟူး သုပ်နှင့် ရေခဲရေ ကျွေးမွေးခဲ့သည်။ ညနေပိုင်း ဂွေးသုံးပင် ရပ်ကွက် အရောက် ပေါင်မုန့်အုန်းနို့ဆမ်း ကျွေးခဲ့ပြီးနောက် ညနေ(၅) နာရီခွဲမှ စတင်ကာ အော့အန်မူးဝေမှုများနှင့် ဝမ်းလျှောခြင်းများ ဖြစ်ပွားခဲ့ကြောင်း သိရှိရ သည်။
MOI Webportal Myanmar
https://www.facebook.com/MOIWebportalMyanmar
0 comments:
Post a Comment