ပေါင်မုန့်ကိုထောပတ်သုတ်ထားတဲ့ ဘက်က အမြဲတမ်း (မောင်သာချို)
သမီးရေ မုန်လာခင်းကို ဝေစုခွဲကြတုန်းကတော့ မြေကြီး အောက်ကဥတွေကိုပဲ ယူပါ့မယ်လို့ ဆိုပြီး
ကန်စွန်းခင်းကို ဝေစုခွဲချိန်မှာတော့ မြေကြီးအထက်က အရွက်တွေကိုပဲ ယူပါတော့မယ်ဆိုတဲ့ ယုန်လူလည်
အကြောင်းကို ပုံပြင်တစ်ပုဒ်ထဲမှာ ဖေဖေ ဖတ်ဖူးတယ် ။
ဟိုးတစ်ခါတုန်းကလည်း အိမ်မှာမိသားစုတွေ စုံစုံလင်လင်နဲ့ လူတွေ များနေချိန်မှာ အ၀တ်လျှော်တဲ့ အမကြီးကို
လခနဲ့လုပ်ဖို့ ပြောခဲ့ပေမယ့် မိသားစု တစ်ယောက်စ နှစ်ယောက်စပဲ အိမ်မှာရှိရော ၊ အထည်အရေအတွက်နှုန်းနဲ့
လျှော်ဖို့ စကားပြင်ခဲ့တဲ့ မိန်းမကြီး တစ်ယောက်ကို ရပ်ကွက်ထဲမှာ ဖေဖေတွေ့ဖူးတယ် ။
တစ်ခါသား ကျပြန်တော့လည်း ကျောင်းသားကလေး ၅ယောက်စ ၊ ၁၀ ယောက်စ
ရှိနေတုန်းကတော့ တစ်ယောက်ချင်းနှုန်းနဲ့ လစာရှင်းပေးနေခဲ့ပြီး မထင်မှတ်ပဲ
ကျောင်းသားတွေ ရာကျော် ရှိလာတော့ အပြတ်သဘောနဲ့ ပေးချင်လာတဲ့
သင်တန်းတည်ထောင်သူ တစ်ဦးကို စာသင်ခန်းထဲမှာ ဖေဖေတွေ့ဖူးပြန်တယ် ။
သမီးရယ် ပေါင်မုန့်ကို ဘယ်ဘက်က ထောပတ်သုတ်သလဲ ဆိုတာကို သိတာဟာဖြင့်
အပြစ်ကြီး တော့ မဟုတ်ပါဘူး ၊ သိလည်းသိသင့်ပါရဲ့ ၊ရွေးလည်း
ရွေးချယ်သင့်ပါရဲ့ ၊ ဒါပေမယ့်လေ ထောပတ်သုတ်ထားတဲ့ ဘက်ကိုပဲ အမြဲတမ်းယူမယ်
ဆိုတာ ကျပြန်တော့ ……။ သူတစ်ပါးကို လုံးဝအခွင့်အရေး
မပေးသလိုချည်းများဖြစ်မနေဘူးလား ။
၊နေပူတော့ အလယ်တန်းမှာ ထိုင်မယ်
၊ နေအေးတော့ ဘေးတန်းပြန်ထိုင်မယ် ၊ မိုးရွာရင် အလယ်တန်း ပြန်ရွှေ့မယ် ၊
မိုးတိတ်ရင် ဘေးတန်းပြန်ထိုင်မယ် ၊ တစ်ခြားသူလူတွေက အမြဲတမ်း ကိုယ့်ရွေးကျ
ကို စောင့်နေကြရမှာတဲ့လား ။
သမီးရယ် …..။
ဖေဖေတို့လဲ ပေါင်မုန့်ကို ထောပတ်သုတ်ထားတဲ့ ဘက်ကိုပဲ ကြိုတ်တတ်ကြတယ် ၊ ဆိုတာကို အချို့လူတွေကို သိစေချင်လိုက်တာ ။
ဆရာမောင်သာချိုရဲ့ သမီးဖတ်ဖို့ စာအုပ်မှ ကူးယူဖော်ပြပါသည်။
0 comments:
Post a Comment