အဆိုပါ သတင်းထွက်ပေါ်မှုနှင့် ပတ်သက်၍ မေလ ၂၀ ရက်နေ့က ရန်ကုန်မြို့တော် ကမ်းနားလမ်းရှိ သမဝါယမဘဏ် ရုံးချုပ်တွင် ယင်းဘဏ် ဦးဆောင် ညွှန်ကြားရေးမှူး ဦးဖေမြင့်က သတင်းမီဒီယာများကို ရှင်းလင်းပြောကြားခြင်း ဖြစ်သည်။
“ငွေအလုံးအရင်းနဲ့ လာထုတ်နေတယ် ဆိုတာလည်း မဟုတ်ပါဘူး။ ပုံမှန်အတိုင်း လည်ပတ်နေပါတယ်။ အခုရက်ပိုင်းက လကုန်ပြီးခါစ နေ့တွေလိုတောင် လူအရမ်းကြီး မရှုပ်ပါဘူး” ဟု ၎င်းကဆိုသည်။
သမဝါယမဘဏ်ကို မူလပိုင်ရှင် ဦးခင်မောင်အေးထံမှ ယခင်အာရှဓန ဘဏ်လုပ်ငန်းရှင် ဦးအိုက်ထွန်းက လျှို့ဝှက် ဝယ်ယူထားသည်ဟု သတင်းထွက်ပေါ်ပြီး ငွေအပ်နှံထားသူများက ငွေများ ပြန်လည် ထုတ်ယူနေကြောင်း အပတ်စဉ်ထုတ် စာစောင်တစ်ခုက ဖော်ပြခဲ့ခြင်း ဖြစ်သည်။
The Voice Weekly
0 comments:
Post a Comment